வெள்ளையடிப்பு செய்வதில் புதிய உலக சாதனை படைத்த இந்தியா…!

வெள்ளையடிப்பு செய்வதில் புதிய உலக சாதனை படைத்த இந்தியா…!

இலங்கை மற்றும் இந்திய அணிகளுக்கிடையிலான முழுமையான கிரிக்கெட் தொடர் நேற்றைய T20 போட்டியோடு நிறைவுக்கு வந்துள்ளது.

டெஸ்ட், ஒருநாள் , T20 போட்டிகள் கொண்டதான தொடருக்காக இலங்கை வந்த விராட் கோஹ்லி தலைமையிலான இந்தியா, பலவித சரித்திரபூர்வ சாதனைகளுடன் தொடரை நிறைவு செய்துள்ளது.

டெஸ்ட் போட்டிகளில் 3-0 என்றும், ஒருநாள் தொடரை 5-0 என்றும், T20 தொடரை 1-0 என்றும் இந்திய அணி முழுமையாக கைப்பற்றியுள்ளது.

ஒரு நாட்டுக்கு கிரிக்கெட் சுற்றுலாவை மேற்கொண்ட அணியொன்று, குறித்த அணியொன்றை அனைத்துவகையான போட்டிகளிலும் முழமையாக வெள்ளையடிப்பு செய்தமை இதுவே முதல்முறையாகும் .

2011 ம் ஆண்டில் பாகிஸ்தான் அணி, சிம்பாபே சுற்றுலாவின் போதும், 2011 -2012 காலப்பகுதியில் அதே பாகிஸ்தான் அணி , பங்களாதேஷ் சுற்றுலாவை மேற்கொண்ட போதும் அந்த அணிகளை அதன் சொந்த மண்ணில் வைத்து 6-0 என்று வெற்றிகொண்டதே இதுவரையான உலக சாதனையாகும்.

அந்த சாதனையை முறியடித்து இந்திய அணி, இலங்கை அணியை இலங்கை மண்ணில் வைத்து 9-0 என்று வெற்றிகொண்டு சாதித்துள்ளது.

மொஹமட் யூசுப் தலைமையிலான பாகிஸ்தான் அணி, ஆஸ்திரேலியாவுக்கான சுற்றுலாவை 2009 /10 காலப்பகுதியில் மேற்கொண்டபோது இதேபோன்று அனைத்து போட்டிகளிலும் ரிக்கி பொண்டிங் தலைமையிலான ஆஸ்திரேலிய அணியிடம் அனைத்துப் போட்டிகளிலும் பாகிஸ்தான் மண்கௌவியது.

டெஸ்ட் போட்டிகளில் 3-0 என்றும், ஒருநாள் போட்டிகளில் 5-0 என்றும், ஒற்றை T20 போட்டியில் 1-0 என்றும் தோற்றுப்போனது.

ஆயினும் ஆஸ்திரேலிய அணியின் இந்த உலக சாதனையானது அதன் சொந்த மண்ணில் படைக்கபட்டதாகும்,இந்திய அணி அதனையும் கடந்து ,இலங்கை அணியை அதன் சொந்த மண்ணில் இவ்வாறு வரலாற்றில் இல்லாதவாறு 9-0 என்று வெற்றிகொண்டுள்ளமை ஒரு உலக சாதனையாகும்.

vilaiyattu