சப்ரகமுவ மாகாணத்தில் அமைந்துள்ள பிரபல பெண்கள் பாடசாலை ஒன்றில் தரம் பதினொன்றில் கல்வி கற்கும் மாணவிகள் தனது உயிர்த் தோழியின் காதலனை வீடு தேடிச் சென்று மிரட்டிய சம்பவம் ஒன்று பதிவாகியுள்ளது.
மகளிர் பாடசாலையில் தரம் பதினொன்றில் கல்வி கற்கும் மாணவி ஒருவர் ஆண்கள் பாடசாலை ஒன்றில் கல்வி பயிலும் மணவர் ஒருவரை காதலித்துள்ளார்.
குறித்த இரு மாணவர்களதும் காதல் தொடர்பில் கடந்த ஒரு மாதமாக விரிசல் ஏற்படவே மாணவன் மாணவியுடன் பேசுவதை நிறுத்தியுள்ளான்.
காதலன் தன்னோடு பேசாத காரணத்தால் மனமுடைந்த காதலி பல நாட்களாக பாடசாலைக்கு செல்லாமல் இருந்து வந்துள்ளார்.
தனது உயிர்த் தோழி பாடசாலைக்கு வராமைக்கான காரணம் அறிந்த ஏனைய நான்கு தோழிகளும் தங்களது உயிர்த் தோழியின் காதலனது வீட்டை தேடி பிடித்து சென்று கொலை மிரட்டல் விடுத்துள்ளனர்.
தங்களது தோழி மிகவும் மனமுடைந்து வருத்தத்தில் இருப்பதாகவும் மீண்டும் அவளுடனான காதல் தொடர்பை ஆரம்பிக்குமாறும் அவ்வாறு அவளுடன் செய்யாவிடின் அடியாட்களை கூட்டி வந்து குறித்த காதலனை கொலை செய்து விடுவதாகவும் அச்சுறுத்தியுள்ளனர்.
கொலை மிரட்டல் தொடர்பாக குறித்த காதலன் கேகாலை பொலிஸ் நிலையத்திற்கு சென்று முறைப்பாடு செய்துள்ளார்.
பொலிஸாருக்கு கிடைக்கப்பெற்ற முறைப்பாட்டைத் தொடர்ந்து குறித்த விடயத்தோடு தொடர்பு பட்ட காதலி உட்பட ஐந்து மாணவிகளையும் காதலனையும் பொலிஸ் நிலையத்திற்கு வரவழைத்து அறிவுரைகள் கூறி சமாதானப்படுத்தி வழக்குப் பதிவுகள் எதுவும் செய்யாது அனுப்பி வைத்துள்ளனர்.
Post a Comment
கருத்துரையிடுக
வாசகர்களுக்கு ஓர் அன்பான வேண்டுகோள் :
1. கட்டுரைகள் குறித்து கருத்துக்களைப் பதிவு செய்யும் போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகளை பதிவிடுங்கள்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் ஆக்கங்களை மட்டுமே விமர்சியுங்கள்.
3. உங்களது மேலான கருத்துக்களையும், ஆலோசனைகளையும் ஆவலுடன் எதிர்பார்கிறோம்
நிமிர்வு இதழின் வளர்ச்சிக்கு நிறை - குறைகளை
சுட்டி காட்டவும். உங்கள் வருகைக்கு நன்றி.