ஜனாதிபதி மைத்திரிபால சிறிசேனவின் சகோதரர் லால் சிறிசேனவுக்கு எதிராக தராதரம் பாராமல் நடவடிக்கை எடுக்குமாறு ஜனாதிபதி உத்தரவிட்டுள்ளார்.
பொலநறுவையில் விபத்து ஒன்றை ஏற்படுத்தி, இருவர் உயிரிழக்க காரணமாக இருந்த லால் சிறிசேன தற்போது விளக்கமறியலில் வைக்கப்பட்டுள்ளார்.
பொலநறுவை - ஹிங்குராகொட வீதியில் லால் சிறிசேன ஓட்டிச் சென்ற லான்ட் குரூசர் வாகனம், மோட்டார் சைக்கிள் ஒன்றுடன் மோதியதில் விபத்து ஏற்பட்டது. இதில் மோட்டர் சைக்களில் சென்ற இருவர் உயிரிழந்தனர்.
விபத்தின் பின்னர் லால் சிறிசேன அவ்விடத்தை விட்டு தப்பிச் சென்ற நிலையில் நேற்று மாலை பொலிஸாரிடம் அவர் சரணடைந்தார்.
இதன்போது பொலிஸ் உயர் அதிகாரி ஒருவர் ஜனாதிபதியை தொடர்பு கொண்டு சம்பவத்தை விளக்கியுள்ளார்.
“என்ன என்னிடம் கேட்கின்றீர்கள்”தராதரம் பாராமல் சட்டத்தை செயற்படுத்துங்கள் என ஜனாதிபதி பொலிஸ் அதிகாரியிடம் குறிப்பிட்டுள்ளார்.
இதையடுத்து, அவரை பொலநறுவை பதில் நீதிவான் முன்னிலையில் ஆஜர்படுத்திய போது, அவரை செப்டெம்பர் 11ஆம் திகதி வரை விளக்கமறியலில் வைக்க நீதிவான் உத்தரவிட்டார்.
Post a Comment
கருத்துரையிடுக
வாசகர்களுக்கு ஓர் அன்பான வேண்டுகோள் :
1. கட்டுரைகள் குறித்து கருத்துக்களைப் பதிவு செய்யும் போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகளை பதிவிடுங்கள்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் ஆக்கங்களை மட்டுமே விமர்சியுங்கள்.
3. உங்களது மேலான கருத்துக்களையும், ஆலோசனைகளையும் ஆவலுடன் எதிர்பார்கிறோம்
நிமிர்வு இதழின் வளர்ச்சிக்கு நிறை - குறைகளை
சுட்டி காட்டவும். உங்கள் வருகைக்கு நன்றி.